വെള്ളാരംകല്ലുകൾ
ഒരു ഓർമ്മയാണ്
നമ്മൾ മുറിച്ചുകടന്ന പുഴകളുടെ
നമ്മൾ ഒഴുകിയ കാലത്തിന്റെ
നമ്മൾ മറന്നുപോയ പാട്ടുകളുടെ.
വെള്ളാരംകല്ലുകൾഒരു ഓർമ്മയാണ്
നമ്മൾ മുറിച്ചുകടന്ന പുഴകളുടെ
നമ്മൾ ഒഴുകിയ കാലത്തിന്റെ
നമ്മൾ മറന്നുപോയ പാട്ടുകളുടെ.
ചിലനേരം വിസ്മൃതിയാണ്
വെയിൽച്ചൂടിലമർന്ന
ഏകാന്തദ്വീപിന്റെ
ഒളിമിന്നുന്ന ഹൃദയജ്വാലയുടെ
നിന്നെ ചൂഴ്ന്നു നിൽക്കുന്ന
സ്വപ്നഭാരങ്ങളുടെ
വെള്ളാരംകല്ലുകൾ
ആരുടെയോ വേദനയാണ്
നമ്മളെ വലംവെച്ചകന്ന
നീല ശലഭങ്ങളുടെ.
നമ്മൾ നീന്തി നടന്ന
ആകാശനീലത്തിലെ താരകങ്ങളുടെ
നിന്റെ കണ്ണുകളുടെ നീലിമയിൽ
തെളിഞ്ഞ വെള്ളാരംകടലിന്റെ
അതെ
വെള്ളാരംകല്ലുകൾ
ഒരു ഓർമ്മപ്പെടുത്തലാണ്
എന്നിൽ നിറയുന്ന
നീയെന്ന സ്ഫടികത്തിന്റെ
നിന്നിൽ തിരയടിക്കുന്ന
ഞാനെന്ന കടലിന്റെ.
No comments:
Post a Comment