ചുംബനം
ഇടക്കെങ്കിലും തോന്നാറുണ്ട്തളർന്നുറങ്ങുന്ന നിന്നെ
ഒന്ന് ചുംബിക്കണമെന്നു.
പക്ഷെ,
ഭയമാണെനിക്ക്
നീ ചീറ്റുന്ന വാക്കുകളും
പാതിരാവിൽ പോലും
എഴുന്നു നിൽക്കുന്ന
നിന്റെ
വിഷം തേച്ച ദംഷ്ട്രകളും
2
മാറ്റിയെഴുതിയാണല്ലോ
ഞാൻ എന്നെ തന്നെ വായിക്കാൻ ശ്രമിച്ചത്
അതാവാം
ഞാൻ വായിക്കുമ്പോഴെല്ലാം
നിന്നെ മാത്രം കേൾക്കുന്നത്.
തിരുത്ത്
നിന്നെ മാറ്റിയെഴുതിമാറ്റിയെഴുതിയാണല്ലോ
ഞാൻ എന്നെ തന്നെ വായിക്കാൻ ശ്രമിച്ചത്
അതാവാം
ഞാൻ വായിക്കുമ്പോഴെല്ലാം
നിന്നെ മാത്രം കേൾക്കുന്നത്.
3
എഴുതിവെച്ച കുറിപ്പ്
ഇനിയും
തപാൽപ്പെട്ടിയിൽ
എത്തിയിട്ടില്ല.
രക്തം വാർന്ന്
പഴയ മേശവലിപ്പിൽ
ഇനിയും പിറക്കാനിടയില്ലാത്ത
ഭ്രൂണമായി
വിരലടയാളമില്ലാതെ...
ചരിത്രമില്ലാതെ....
കുറിപ്പ്
നിനക്ക് മാത്രമായിഎഴുതിവെച്ച കുറിപ്പ്
ഇനിയും
തപാൽപ്പെട്ടിയിൽ
എത്തിയിട്ടില്ല.
രക്തം വാർന്ന്
പഴയ മേശവലിപ്പിൽ
ഇനിയും പിറക്കാനിടയില്ലാത്ത
ഭ്രൂണമായി
വിരലടയാളമില്ലാതെ...
ചരിത്രമില്ലാതെ....
No comments:
Post a Comment