പ്രതീക്ഷ

1

ചില്ലകളുണങ്ങിയ
മരത്തിന്റെ വേരുകൾ
ഇനിയും 
ആർക്കുവേണ്ടിയാണ്
വെള്ളംതേടുന്നത്?
അതെ 
നീയുണ്ടല്ലോ അവിടെ!

2
വരണ്ട പുഴത്തീരത്ത്
കടത്തുതോണിയുമായി
കാത്തിരിക്കുന്ന 
വള്ളക്കാരൻ.
വരും
മഴക്കാലം!
എന്റെ പൂക്കാലം!!

3

ഇലപൊഴിഞ്ഞ
പൂമരമെന്നോട് പറഞ്ഞു,
ഇനിയുംവരും വസന്തം
പുനർജ്ജനിക്കും
നമ്മൾ
ഇലകളായ്... പൂക്കളായ്

ചിത്രം: യൂസഫ് അറക്കൽ സമ്മാനിച്ച ഒരു പ്രിന്റ്. ന്യൂയോർക്കിലെ മ്യൂസിയം ഓഫ് മോഡേൺ ആർട്ടിനു വേണ്ടി ചെയ്ത ഒരു പോർട്ടഫോളിയോയുടെ പ്രൂഫ് ആണിത്. എന്ന് പറഞ്ഞാൽ 'ഒറിജിനൽ'!
https://www.moma.org/artists/38183